«Elektron Hukumat» tizimini rivojlantirish markazi

Open Data Challenge 2016
26-27-noyabr kunlari Toshkentda Open Data Challenge 2016 – ilovalarni, ochiq ma'lumotlardan foydalangan holda, ishlab chiqish boʻyicha har yilgi tanlov boʻlib oʻtadi. Tadbir Oʻzbekiston Respublikasi axborot texnologiyalari va kommunikatsiyalarini rivojlantirish Vazirligi, BMTTD Oʻzbekistondagi vakilligi va Toshkentning Inxa universiteti tomonidan hamkorlikda tashkil etildi. Open Data Challenge – bu dasturchilar, dizaynerlar va jurnalistlar jamoalarining ochiq hukumat ma’lumotlariga asoslangan mahsulotlarni tez ishlab chiqish boʻyicha musobaqa. Open Data Challenge ning farqi shundaki, guruhlar aniq belgilab berilgan muddat ichida harakatlanishlari lozim: ikki kun ichida abstract gʻoyalar, infografika va maqolalar yangi veb yoki mobil xizmatlarning tajriba namunalariga yohud alfa-koʻrinishlariga aylanadilar. Uch kunlik qizgʻin faoliyat natijasida, Open Data Challenge 2016 ishtirokchilari turmushning barcha jabhalarida: moliya, transport, ta’lim, sogʻliqni saqlash, ekologiya va h.k. foydali boʻlgan yangi loyihalarni taqdim etadilar. Shunday qilib, mobil va veb-ilovalar, infografika, media-loyihalar, maqolalar tadbirning moddiy mahsuli boʻladi. Loyihalarni ishlab chiqishdan tashqar, Open Data Challenge 2016 doirasida ma’lumotlar jurnalistikasi boʻyicha master-klasslar hamda dasturchilar uchun ochiq ma’lumotlar bilan ishlashga oid treninglar boʻlib oʻtadi. 2015-yilda oʻtkazilgan tanlov natijalari bilan quyidagi havoladan oʻtib tanishishingiz mumkin.

Original

Preview

Issue #2

Log In